48 еда не хощетъ разлучити лица Сыновня отъ лица
Отчя и Духа Святаго? или нечестивѣ мнитъ всю пре¬
божественную Троицу воплощенну быти и укрест-
вованну, яже есть ересь армейская, или ѳеопасхитовъ
того ради глаголющихъ: святый Боже, святый
крѣпкій, святый укрествованный, помилуй насъ. Но
сіе все истребися, и отъ соборовъ святыхъ проклято:
тѣмже ни отвѣтованія требуетъ. Писано бо есть
въ притчахъ, въ гл. 26: не отвѣщай безумному по
злобѣ его, да не подобенъ ему будеіии. И занеже
обѣщахся, да не долгъ въ дѣлѣ семъ явлюся, еже
пространнѣ бесѣдовати, отлагаю. 10. Отраженіе обличенія девятое еЖе на оная
словеса: яко есть едино лице Святыя Троицы. Хамелеона звѣря и траву повѣствуютъ естество-
словы различный цвѣтъ пріимати, и тако въ всякій
часъ удобно прелагатися (измѣнятися), развѣ бѣ¬
лаго, яко Назіанзинъ глаголетъ, или чермнаго,
якоже Плиній непщеваше. Никита же, кромѣ
свѣтлыя правды, на всякую ложъ иначествуется
подобіемъ басненнаго Протея, о немже притча:
Протея премѣнѣйшій. Но начнемъ очищати Наѳа¬
наила и изъ Греческаго же вѣрно истолкуимъ на
языкъ славенскій. Глаголетъ убо: 1 ѵпостась абіе
Бога Слова во чревѣ Дѣвы совершенна есть и
абіе плоть Бога Слова. Ибо Сынъ Единосущный
Отцу, яко сѣмя Божественное, сочини и устрой
себе ради плоть одушевленную, съ душею слове- 1 На полѣ замѣчено: deest in Skrizal.