богатіи погребаются внутрь храмовъ, извѣтомъ
того, яко христіане суть. Но слыши, о, возлюб-
ленне брате,—глаголетъ Ѳессалонитскій,—христіа¬
нинъ еси, но не іерей. Между іереемъ паки и лаикомъ
веліе всутствуетъ разнствіе. Истинно же отъ Пре¬
святыя Троицы изводствуется всякое отчество
и чинъ, небесный же и земный. Низрѣваяй убо
архіерея отъ своего сѣдалища и чина, иже, по
глаголу Климентову, мѣсто Божіе держитъ на зем¬
ли,... дерзаетъ подобнѣ обычаемъ исполиновъ дви-
жати Бога самаго, Виновника всего чина архіе¬
рейскаго, изъ престола Его Божественныя славы,
и съ небесе, елико есть въ себѣ, низрѣвати, иже
нѣсть злаго учиненіа Богъ... ниже на лица зрѣтель.
И того ради должнствуетъ всякъ пребывати въ
немже отъ Бога званъ есть санѣ, поборяюще о
благочиніи церковномъ. Но о сихъ довлѣ гла-
голати. 26. Отраженіе обличеніа на оная словеса, яже о антиміисахъ преносимыхъ изъ мѣста на мѣсто,
яко сей чинъ есть схизматическій, и Римскія вѣры обычай. Ираклитъ философъ и Демокритъ взаимъ бра-
шася нравы: единъ бо, елижды либо изъ дому
исхождаше, плакася, разсуждая непостоянство міра
и вещей человѣческихъ бѣды; другій, исходя изъ
жилища, абіе смѣяся, того ради, яко ему вся не-
пщевахуся подвержена быти суетству, чесо ради
Гелазинъ наречеся, яко на смѣхъ разрѣшашеся,
