своея 3 исповѣдаша е.му вся , и каяшася; не
точію же священнику , но и всѣмъ прочимъ
съ плачемъ повѣдаху то, еже видѣша надъ
погибшими , бѣсовское радованіе , и благодаряху
Бога избавльшаго ихъ отъ тоя погибели. ГЛАВА XII. Отъ града Вологды , въ пути ведущемъ
къ Каргополю , на странѣ , яже отъ моря , въ
мѣстѣ пустынномъ живяше нѣкій врагъ Божій ,
волхвъ и чародѣй , пустынножительное но-
сяй имя, и лицемѣрную имѣяй добродѣтель ,
и мнимый бяше отъ окрестныхъ поселянъ
святъ и преподобенъ ; и мнози пришедше со-
жительствоваху тому , имуще его себѣ учителя
и наставника. Не точію же мужей, но и
женъ и дѣвицъ та пустыня уже наполнилася
бяше ; ученіемъ бо его лестнымъ и лицемѣр¬
нымъ житіемъ влекомы бяху къ нему , аки къ
великому угоднику Божію . Учаше же той
окаянный мнимый святецъ тайно , еже всѣмъ
жиги блудно безъ всякаго зазора , глаголя , яко
нѣсть грѣхъ плотское совокупленіе по согла¬
сію , но любовь есть ; токмо да не вѣнчаетеся ,
ниже да благословитеся въ супружество .
Нѣкій же человѣкъ отъ Вологды града ,
отягченъ бывъ многими грѣхами , и въ чувство
пришедъ , каяшеся предъ Богомъ ; и положи
обѣтъ , еже прочее время жизни своея пожити
чисто, и ити въ пустыню, да въ безмолвіи