348 Честна есть брада стараго мужа , но свя¬
тость въ ней никаяже , аще самъ грѣховъ
многихъ исполненъ будетъ. Честны сѣдины , но
никоеже въ нихъ есть спасеніе , аще самъ нера-
дитъ о спасеніи своемъ. Честны бяху брадами и
сѣдинами своими оные судіи Израильстіи , иже
въ Вавилонѣ хотяху насиловати блудно красную
тѣломъ и душею Сусанну цѣломудренную ( а ):
но что имъ брада и сѣдина поможе ? Сице и
коемуждо въ день страшнаго суда Божія , и
грознаго испытанія, не поможетъ брада, аще не
обрящется житіе праведно . Ниже повредитъ
брадобритіе , аще явится житіе добродѣтельно .
Не о брадахъ бо тамо истяжутъ, но о дѣлѣхъ ;
и не по брадамъ дадутъ честь, но по богоугож¬
денію. Не той тамо блаженъ будетъ, егоже бра¬
ды бритва не коснуея ; но той блаженъ , егоже
сердце чисто соблюдеся. Никтоже убо отъ брадатыхъ да уповаетъ
брадою своею спасеніе получити ; и никтоже
да сумнится о спасеніи своемъ брадобритія
ради. ГЛАВА XX. О усахъ. Здѣ же и о усахъ мало нѣчто да воспомя-
нется вины ради сицевыя: (а) Данінл. гл. 13.