— 118 Брынскіи же лжеучители криво, а не пра¬
во толкуютъ Божественное Писаніе, чесо ради и
кривотолки нарицаеми суть. Убо Брынское ученіе нѣсть истинное , но
ложное. А яко Брыияне криво и ложнѣ толкуютъ
Божественное Писаніе, изъявляется то отъ нѣ-
кіихъ мѣстъ Писанія Божественнаго , яже здѣ
предложимъ. ГЛАВА П. О святѣй жертвѣ. Въ книзѣ святаго пророка Даніила, въ рлавѣ
3, написана суть словеса сія: нѣсть во время сіе
начальника, ни Пророка, ни вожда, ни всесо¬
жженія, ни жертвы, ни приношенія, ни кадила,
ни мѣста, еже пожрети предъ Тобою и обрѣ¬
сти милость (а). То Писаніе святое кривотолки Брынскіи
наводятъ на нынѣшнее настоящее время, и гла¬
голютъ, яко въ нынѣшнее настоящее время
нѣсть уже жертвы , ни приношенія , церкви не
церкви , архіереи не архіереи , попы не попы ,
литургіа не литургіа, жертва не жертва. Сицево
толкованіе Брынское. О пребезумніи Брыняне, здраваго ума лишен-
ніи и силы Божественнаго Писанія весьма не-
вѣдущіи ! отверзите умныя очеса ваша , и раз¬
смотрите сами сія: (а) Ст. 38 и 39.