- 5 Г, 6 — ВТОРАЯ СТА Т ІЯ.
ГЛАВА ІТІІ. О дѣлахъ злыхъ. Дѣла раскольническая злая , явѣ въ про¬
тивность церкви Святѣй отъ нихъ творимая ,
якоже о тѣхъ доносится намъ , суть неисчет-
на , о нихже гюдробну писати и глаголати не
возможно , развѣ знатнѣйшая здѣ предложимъ .
Не отъ себе же предложимъ , азъ бо смиренный
не въ сихъ странахъ рожденъ и воспитанъ ,
ниже слышахъ когда о расколахъ, въ странѣ
сей обрѣтающихся , ни о лѣсахъ Брынскихъ,
ни о скитахъ , ни о разнствіи вѣръ ихъ, ни
о дѣлѣх'ь ихъ ; но уже здѣ , по Божію изволе¬
нію и по указу Государеву жити наченъ , у-
вѣдахъ слухомъ отъ многихъ доношеній . Пред¬
ложимъ убо та, яже подлинно (извѣстно), ово
отъ неложныхъ повѣствователей увѣдахомъ ,
ово отъ самовидцовъ слышахомъ . овая же на
письмѣ пріяхомъ. Въ началѣ предложимъ нѣкая отъ блажен¬
ныя памяти преосвященнаго Игнатіа митро¬
полита Сибирскаго, отъ тріехъ его посланій ,
яже онъ во дни своего въ Сибири пастырства
писалъ во всю епархію свою, обличая и истреб¬
ляя вредъ раскольническаго еретичества , вѣр¬
ныя же увѣщавая не прелыцатися душевредными
еретичеетвы.