126 Вы же , криво толкующе Писаніе святое ,
ложно творите ученіе ваше , яко лжеучители
и противники святѣй правдѣ. ГЛАВА ГІИ. О благовѣстіи и анаѳемѣ. Паки въ посланіи къ Галатомъ святый
апостолъ Павелъ пишетъ : аще мы , или
Лнгелъ съ небесе благовѣститъ вамъ паче, еже
благовѣстихомъ вамъ, анаѳема да будетъ (а) .
Якоже гіредрекохомъ , и нынѣ паки глаголю :
аще кто вамъ благовѣститъ паче , еже пріясте ,
анаѳема да будетъ. Сія апостольская словеса кривотолки Брын-
скіи наводятъ на премѣненіе нѣкіихъ старыхъ
реченій въ новыхъ Россійскихъ книгахъ, аки бы
иремѣнивше реченія книжная , инако начаша
благовѣствовати вѣру , паче благовѣствованныя
и преданныя отъ Апостоловъ. Но безумны , разумъ теменъ имущій , не
хотящій, ни могущій разсудити , видѣти и
разумѣти силу Писанія святаго, якоже и слѣпіи
вездѣ претыкаются . Разумѣйте убо безумніи
въ людехъ, и буіи нѣкогда умудритеся (б), и
разсмотрите сіе трое: (а) Галат. 1, ст. 8. (б) Псал, 93, ст. 9.