— 4 85 — До здѣ Дамаскинъ . Се той учитель церков¬
ный, согласуй преждепомянутымъ учителемъ,
знаменіе крестное четвероконечнѣ воображае¬
мое , нарече печатію Христовою , а не ан¬
тихристовою . Да постыдятся убо и по¬
срамятся вси, иже честный четверо конечный
крестъ Христовъ печатію антихристовою на-
рицаютъ, и боятся крестнаго четвероконечія
якоже и бѣси. ГЛАВА XXVI. О хуленіи еретическомъ на треперстное
сложеніе. Еще же и другое о печати антихристо¬
вой въ Брынянѣхъ безумное умствованіе слы¬
шится : Треперстное къ знаменію крестному
сложеніе нарицаютъ печатію антихристовою .
Сице въ еретическомъ злохульномъ ихъ Свитцѣ
пишется : Аще кто знаменаетъ лице свое ще¬
потью , сирѣчь , тремя персты , той отвержеся
Христа , и предается сатанѣ ; занеже есть то
антихристова печать . До здѣ Свитокъ . И
тако у нихъ стало двѣ печати антихристовы :
одна печать антихристова,—крестъ четверо-
конечный , другая печать антихристова—тре-
перстное сложеніе. Невѣдомо убо, коему у
нихъ умствованію вѣру‘яти , первому ли , или
другому; понеже сами себѣ не согласуютъ,
ниже подлинной печати антихристовы обрѣ¬
таютъ? Шлются же на святаго Ипполита ,