— 22 — моя, поношаху ми врази мои, внегда глаголати имъ
мнѣ на всякъ день: гдѣ есть Богъ твой? Толкъ. Во время спасенныя страсти Его поно¬
шаху Христу и на крестѣ висящу: аще Сынъ еси
Божій, сниди со креста, и прочая; а прежде стра¬
сти безпрестанно стязахуся съ Нимъ и гоняху Его
неблагодарніи. О семъ Евангеліе свидѣтельствуетъ. Псаломъ (ст. 12). Вскую прискорбна еси, душе
моя, и вскую смущавши мя? Уповай на Бога, яко
исповѣмся Ему, спасеніе лицу моему и Богъ мой. Толкъ. Всякъ правовѣрный въ гоненіи не скорби
и душу свою страхомъ Божіимъ ограждай, уповая
на Бога и призывая въ помощь къ себѣ; крѣпко
молися тогда убо, яко Іуліанъ великомученикъ во
огни стоя моляся, даже измѣнися въ молитвѣ образъ
его. Тако подобаетъ и всякому страждущему къ
Богу изливати душу свою о Христѣ Ісусѣ Господѣ
нашемъ. Псаломъ 4:4-й. Псаломъ (ст. 2). Отрыгну сердце мое слово благо,
глаголю азъ дѣла моя цареви: языкъ мой трость
книжка скорописца. Толкъ. Кое слово благо отрыгну сердце про-
роче и коему царю дѣла глаголетъ языкомъ, яко
тростію скоро пиша книги? Явѣ есть, яко назна-
менуя Царю небесному вочеловѣченіе, издалеча ураз¬
умѣвъ Святымъ Духомъ, сице рече. Псаломъ (ст. 3). Красенъ добротою паче сыновъ
человѣческихъ, изліяся благодать во устнахъ тво¬
ихъ. Сего ради благословится Богъ во вѣки.